the internet lyrics database
6
Playlist new! / 5 (0) Share Play

"Nanneddu" Lyrics

Tazenda

Nanneddu meu
su mundu est gai,
a sicut erat
non torrat mai.

Semus in tempos
de tirannias,
infamidades
e carestias.

Como sos populos
cascant che cane,
gridende forte:
"Cherimus pane! "

Famidos, nois
semus pappande
pan'e castanza,
terra cun lande.

Terra ch'a fangu
torrat su poveru
senz'alimentu,
senza ricoveru.

Semus sididos
in sas funtanas,
pretende s'abba
parimus ranas.

Peus su famene
chi, forte, sonat
sa janna a tottus
e non perdonat.

Nanneddu meu
su mundu est gai,
a sicut erat
non torrat mai.

Cuddas banderas
numeru trinta,
de binu'onu,
mudad'hant tinta.

Appenas mortas
cussas banderas
non piùs s'osservant
imbreagheras.

Sos tristos corvos
a chie los lassas?
Pienos de tirrias
e malas trassas.

E gai chi tottus
faghimus gherra,
pro pagas dies
de vida in terra.

Nanneddu meu
su mundu est gai,
a sicut erat
non torrat mai.

Semus in tempos
de tirannias,
infamidades
e carestias.

Adiosu, Nanni,
tenedi contu,
faghe su surdu,
ettad'a tontu.

A tantu, l'ides,
su mund'est gai,
a sicut erat
non torrat mai.
This song was submitted on June 3rd, 2007 and last modified on June 4th, 2007.
Lyrics licensed by LyricFind.

Song Details

Album:
Genre:
Rank: (−)
Charts:view all »
Referring URLs:view all »

Video

Songs you may also like

  • same album
  • same artist
  • popular on LSI
  • new on LSI

Contributors

leaderboard activity

Comments

Facebook (0) LetsSingIt (0)